قصيدة عباس جيجان ................

يا شعب العراق شبيك دون الناس سوده مصخمه ايامك...
يا شعب شوكت ترتاح من دون الاعوام مكدره اعوامك....
يالحزنك حزن عاشور من عاشور تطلع تلكه بس عاشور كدامك....
وكل حربك عرك باعدام بيك شمارميت يردن اسهامك....
ليش تذبح اخيك على يا مالعلى الورقة السخيفه تفجر احزامك....
ليش تذبح استاذك علمك حرفين ولك هذا قدوتك ومعلي مقامك....
ليش تذبح طبيبك من يرد للسوك خليه يداوي جرحك لجمته ببهامك....
ليش تذبح التاجر من يرد للبيت خله يفطرك يا مدمن صيامك....
ليش يتمت الاطفال وانتة ابو الايتام ما تكسر الخاطر دمعةايامك....
ليش تفجر زوار الحسين لكربلا يمشون مو هذول اهلك وارحم رحامك....
ولك ليش تزعل اذا واحد كلك انا احب حسين ولك هذا وديعة فاطمه يالتفهم اسلامك....
ليش تذبح الشيعي الحب علي الكرار مو كبل ميكون امام المرتضى امامك....
وليش تذبح السني وتحسبه من صدام مو صدام كان وكان صدامك....
وليش تفجر مسجد كنيسه حسينيه انبنت لله وعلى كل المناير صعدت الغامك....
ليش والف ليشوعجزيت الــ ليش يا شعبي شجاك منكسه اعلامك....
انا ادري بيك عليك اختلفت الرايات وبس رايات محمد شال صمصامك....
تاريخك كبل ما يولد التاريخ ادم من نزل خطار بخيامك....
ونبي ابراهيم هذا السومري من اور خاف يزايدك واحد على الهامك....
و ليش والف ليش وعجزيت الــ ليش يا شعبي شجاك منكسه اعلامك.....