مناجاة عراقي

شموسه العجيليه الجمعة أكتوبر 05, 2007 9:03 am

قصيده مااعرف منو كاتبها بس كلش رائعه

خجل حتى الوطن من شافنه بهالحال ... مثل والد عليل تعاركو ولده
ياجار اليحشـــمه ويدري بالجيره ... متحزمه عليه وتشــــتغل ضده
اذا مايهـده تهده وتفرح وترتاح ... وماتهده دقيقه من الوضع يهــده
باوع عالدول والنـاس وصلت وين ... وحنه بهالخلاف إنجيبه ونرده
مسـرحنه انعرف واشتهروا لابطال ... مخطوف وشهيد ولازمه العده
ومجهول الهويه وجسد مابيه راس ... ومفجوعه بولدها وتصرخ إبسده
مســـكين اليتيــم يمر عليه العيد ... ودمـوعــه فواتـح ناصـبه بخــده
گلي بيا ذنب كتلو ابوه وليـــش ... كوم عيال عده وكلشـــــي ماعنده
اوگلي بيا بخت جابوه بغيــر زنود ... للجابت عمـرهته مچلبـه بزنده
جرحك مثل جرحي وبلوتك بلواي ... وصـوابك صـوابي شلون ماشده
ناوشني المحبه وبوسة التجبير ... خل نگطـع نزيفه إبّلسم الوحده
اشگد مشتاگ امر للاعظميه اليوم ... والنعمان ازوره ويمـــك اتغده
ونعبر عالجســر نتمشه ايد بأيد ... يم باب الحوائــــــج غيضنه نهده
لاخير بوطن ماتغفـــه عينك بيه ... و لاخير بشــــعب مايعبر الشـــده

مناجاة عراقي B0c62d7114